ഒരു പ്രാര്‍ത്ഥനാനുഭവം

 ആദ്യം നോക്കുമ്പോള്‍ 

 ശ്രീകോവിലിനകം നിറയെ ഇരുട്ടായിരുന്നു 

 കണ്ണൊന്നു ചിമ്മി തുറന്നപ്പോള്‍ കണ്ടു 

 ഒരു പൊന്‍തിരി വെട്ടം 

  കണ്ണീരില്‍ കുതിര്‍ന്ന മിഴികള്‍ക്ക് 

മുന്‍പില്‍ മഞ്ഞപട്ടിന്റെ ഒരുടലും 

മന്ദാരമാലയണിഞ്ഞ കഴുത്തും 

പിന്നെ തെളിഞ്ഞത് രണ്ടു 

നക്ഷത്ര കണ്ണുകള്‍ 

അതിനപ്പുറം ചുണ്ടില്‍ പതിഞ്ഞൊരു ചിരി 

അതിനറ്റത്ത് "എന്തേ പോന്നത് " എന്നൊരു 

ചോദ്യം .

ചോര കിനിയുന്ന ഒരത്മാവിന്നെ ഏല്പിച്ചു 

പിന്തിരിഞ്ഞു ഞാന്‍ നടന്നു ...

പ്രാര്‍ത്ഥനകള്‍ പലതും 

മുറിഞ്ഞു വീണു ..